مركز الماسة التعليمى

مطلوب مشرفين على جميع الاقسام ....فور التسجيل ....شرط تحمل المسئولية

تم اعاده العمل بايميل المنتدى ElmasaEdu@yahoo.com الاداره .. للمراسلة الخاصة بالمنتدى او تبادل اعلانى

الاستاذ محمد السلامونى : ردا على كل ما قيل . حسبى الله ونعم الوكيل وافوض امرى الى الله

ارجو من جميع المشرفين تسجيل حضورهم ف اليومية الجديده لأن سيتم التعامل معهم بكل حزم

    مش خايفين...

    شاطر
    avatar
    Cute Norhan
    نـــــائب المــــــــدير

    انثى عدد المساهمات : 1268
    تاريخ التسجيل : 01/01/2011
    العمر : 20
    مدينتك : حلوان
    العمل/الترفيه : الخروج/النت
    المزاج : بفرح من اقل حاجه

    مش خايفين...

    مُساهمة من طرف Cute Norhan في الإثنين فبراير 14, 2011 10:34 pm

    سنين ..

    هزمنا الخوف و الضعف .. بقالنا شهور و سنين

    و استسلمنا لبدلة ظابط .. بتخفي ملامح مجرمين

    ناس بتكح تراب .. و ناس في فيلالهم نايمين

    شوفنا الظلم بعيوننا .. و برضه استنينا ساكتين

    بقى معقولة تضيع احلامنا .. عشان بس خايفين

    انتهت كل آمالنا .. احياء بس ميتين

    كل جيل بيبني آماله .. على اجيال جايين

    و كل جيل بيرمي فشله .. على اجيال رايحين

    و فجأة .....

    فجأة ظهر نور جديد .. شايفين و لا مش شايفين ؟؟

    ما صدقناش عيوننا .. قولنا القهر خلانا مجانين

    ثورة قايمة على شباب .. معقول لسة فايقين

    ارحل ارحل يا مبارك .. قال و الله لانتو ماشيين

    كل واحد يروح بيته .. خليكم مؤدبين

    و اجر ناس تهتفله .. و هدد رجال الدين

    قالوا احنا معانا الحق .. و على الحق مصرين

    و لو الحرية تمنها ارواحنا .. سامعين و لا مش سامعين ؟؟

    بكل بجاحة و جرأة .. و زي ما حزبه متعودين

    قال هترجعوا على رجليكم .. و لا هترجعوا ميتين

    كل قواعد العالم اتكسرت .. مش اقل من سفاحين

    الدم الطاهر سال .. دم الشهدا الطيبين

    و حاولوا يفرقوا بينا .. مش كفاية المقتولين

    قالوا اللي قتلناهم عملا .. امريكان صهيونيين

    قالوا لمبارك لأه .. لانه اب للوطنيين

    قوتنا و احنا مع بعض .. قوتنا و احنا متحدين

    ابو زيد و مينا و شوقي .. كلنا مصريين

    مهما اختلفت طرقنا .. للحرية قاصدين

    و مهما كسروا ضهورنا .. برضه لسة واقفين

    حتى لو قتلوا ابطالنا .. هيجي ناس تانيين

    و هنوصل .....

    هنوصل لاحلامنا .. مهما كانوا صعبين

    و هنصرخ باعلى صوت .. و نقول مش خايفين

    ايووة .. مش خايفين









    [ندعوك للتسجيل في المنتدى أو التعريف بنفسك لمعاينة هذا الرابط]


     



     


     

    avatar
    roka.alahlawya
    عضو ماسى على حق
    عضو ماسى على حق

    انثى عدد المساهمات : 453
    تاريخ التسجيل : 19/09/2010
    العمر : 22
    مدينتك : المحلة
    العمل/الترفيه : الفيس بوك والخروج
    المزاج : رايقة على الاخر

    رد: مش خايفين...

    مُساهمة من طرف roka.alahlawya في الأربعاء فبراير 16, 2011 1:14 am

    جامد يانور وعلى فاكرة انا من ضمن الشباب بتوع الثورة
    avatar
    Cute Norhan
    نـــــائب المــــــــدير

    انثى عدد المساهمات : 1268
    تاريخ التسجيل : 01/01/2011
    العمر : 20
    مدينتك : حلوان
    العمل/الترفيه : الخروج/النت
    المزاج : بفرح من اقل حاجه

    رد: مش خايفين...

    مُساهمة من طرف Cute Norhan في الأربعاء فبراير 16, 2011 1:29 pm

    ههههههههههههههههههههههههه يا سلااااام هى دى الوطنيه والانتماء للوطن
    شكرا ليكى يا شروق









    [ندعوك للتسجيل في المنتدى أو التعريف بنفسك لمعاينة هذا الرابط]


     



     


     


      الوقت/التاريخ الآن هو الجمعة أكتوبر 19, 2018 3:09 pm