من طرف [b]
تيجوا يا جماعه نستعرض مع بعض
الباين
والمستخبي
في بلاوي الشعب المصري
اول حاجه
في بدايه يومك
تصحي علي خناقه وصوت عالي
الراجل بيتخانق مع مراته
مصروف البيت
البت لبسها مش كويس
والواد صايع للفجر
وامهم خبلانه وكسلانه
بتدلع وتعرف بلاوي ولادها
وتعمل نفسها نيمانه
تصحي وتخرج الصبح
بدل ما تسمع صباح الخير
تلاقي واحد مسطول يقولك
صباحو حشيشو يا كابتن
تسال في مطعم او مكان عام علي شغل
يقولك ريشك علي بقشيشك
وربنا يحنن
واحيانا تاكل علقه موت
وتطلع عينك
وتسمع المقابله انتهت
ومشوفش وشك تاااااااااااني
وتسال وانت زعلان
جواب نهائي؟؟؟؟؟؟؟؟؟
وتقضيها استضافات مع عمنا جورج قرداحي
تمشي في الشارع
تشوف بنات اعوذ بالله
اللبس والميك اب والمنظرة
هو فين الدين
مسلم او مسيحي او حتي يهودي
دا الرب واحد
ربنا سبحانه وتعالي
تيجي تكلمها وتقولها
عيب يا انسه
تلاقيها تقووووووول وبقلب جامد
انت متخلف يا بني متعيش سنك
واضرب حشيشك وبيرتك
وقضيها ديسكوهات مع مززك
وبعدين تقلب وش الجبس وتخلع
تعدي علي مجموعه شباب
وتقووووووووووول بشكل اعتيادي
سلامو عليكو
تلاقي الضحك والتريقه
ويقول واحد حمار
هو انت تعرفنا يا عمنا؟؟؟؟؟؟؟
هترد وتقول
لاء
هيقولك
امال بتسلم ليه؟؟؟؟
هتقوووووول
السلام لله
هيقولك
يا عم روح
كبايه اللبن مع امك
خليها هي تسلم وتكفي وقتك
خليها تعرفك الغريب من قريبك
وتعلمك متكلمش حد ميعرفوش
مخك ولا بيجي في تفكيرك
يجي عليك الغروب
تركب مركب في النيل
وتدعي
وتقول
ياااااااااااااااااااااااااااااااااا رب
تلاقي الاخ الي بيسوق المركب
عملك فيها العندليب وعمال يقولك
طريقك مسدود
مسدود
مسدود
تمشي بالليل علي كوبري قصر النيل
وتشوف المقابلات
بين الشباب والبنات
تسمع
هنتجوز امتي؟
الحقوني يا ناس بيعاكسني!!
بحبك يا قلبي
هعمل ايه في امتحان المحاسبه انا خبلانه فيها
انا شايل مادتين وابويا طردني من البيت
كلها يومين ونسافر والفلوس نلعب بيها لعب
وغيره وغيره
مش بعيد تلاقي اللمبي لسه قاعد مع نوسه
وبيقولها
حبيبتي كل حاجه تهون مادام احنا لسه مع بعض
هتلاقي زحمه ماليه الشوارع
هتلاقي ناس واقفه مش لاقيه مواصلات
هتلاقي واحد بيغني
زحمه يا دنيا زحمه
زحمه والميكروباصات لامه
ولا ليا مكان ولا لزمه
انا شكلي هشحت بعد ما ابيع الجزمه
هتلاقي ناس فقرانه ومفيش فلوس
هتلاقي ناس بيوتها عالنيل وعايشين عيشه ملوك
هتلاقي عشه والي فيها مايتين دي مش حياه
هتلاقي واحد محتار يصرف فلوسه فين
هتلاقي واحد ماشي يقول
يلعن ابوها دي بلد
ويشتم شيرين وحسين الجسمي
مهو مشربتش من نيلها
ولا عرفت تبهدلها
جبتك من اولها روحت لديلها
ولا حتي شوفت الخير ولا مسحت دموعك بمنديلها
وادينا بنغني يخرب بيتها
علي بيت الريس ونيلها
وتلاقيه قلب علي الجسمي
ومش طايقك خنقتيني
وبفقرك هتموتيني
والله انت حولتيلي عيني
ومش طايقك موت
هيتنكد عليك وتروح
ويستمر النكد يوم بيوم
عموما دي حالة معظم العامة والناس
مش الكل كدا
ولا القصد نجرح في بلدنا او نشوه صورتها
بالعكس
كل الي عاوزينه عيشه كريمه ومستوي معقول لبلدنا واهلها
وتسلميلي يا مصر يا ام الدنيا
وللي عاوزين يسافروا
مصر ام الدنيا يعني ام اوروبا وام امريكا وام الي جابوا امريكا
وسمعني احلي سلام للحاج القرموطي
سمعنا سمع
واوعي تفرقع
واوعي تعمل زي صاحبنا
ويبقي يومك كل كدا
بالطريقه دي
غير الروتين
واقلب حياتك للصح
لو بدأ كل واحد بنفسه
اكيد هنبقي احسن
