مركز الماسة التعليمى

مطلوب مشرفين على جميع الاقسام ....فور التسجيل ....شرط تحمل المسئولية

تم اعاده العمل بايميل المنتدى ElmasaEdu@yahoo.com الاداره .. للمراسلة الخاصة بالمنتدى او تبادل اعلانى

الاستاذ محمد السلامونى : ردا على كل ما قيل . حسبى الله ونعم الوكيل وافوض امرى الى الله

ارجو من جميع المشرفين تسجيل حضورهم ف اليومية الجديده لأن سيتم التعامل معهم بكل حزم

    يعنى ايه تكون زملكاوى

    شاطر
    avatar
    Cute Norhan
    نـــــائب المــــــــدير

    انثى عدد المساهمات : 1268
    تاريخ التسجيل : 01/01/2011
    العمر : 20
    مدينتك : حلوان
    العمل/الترفيه : الخروج/النت
    المزاج : بفرح من اقل حاجه

    يعنى ايه تكون زملكاوى

    مُساهمة من طرف Cute Norhan في الأحد يناير 09, 2011 1:34 pm

    يعنى تبقى مصرى وتتعامل من تليفزيون الدوله واعلامها .على انك من عرب 48 . يعنى تدفع مرتبات ناس تعتبرك اجنبى وتتواجد فقط لمحاربتك يعنى وزير اعلامك ورئيس تلفزيون الدوله .يكافئ اى اعلامى يحاربك بالاكاذيب والضلال

    Crying or Very sad

    يعنى تكون صاحب رؤيه .وصاحب راى .. وصاحب حس فنى متذوق وممارس لكره القدم .
    وتحب نادى .ثم تكتشف انك شجعت نادى الكل يحاربه ويعاديه .وانه بيمثل هؤلاء الذين لاتحبهم الحكومه
    لانهم نوعيه غير قابله للتسيس . وفجاه تكتشف الكارثه ..انك تناصر حزب معارض فى بلد دكتاتورى Crying or Very sad

    يعنى ايه تبقى زمالكاوى

    يعنى تروح الاستاد من اجل ان تستمتع بكره قدم . قبل النتيجه . وتفاجا بحكم يفسد عليك المتعه
    لانه يخاف على اكل عيشه او لانه فاسد او لانه كاره لك ولناديك
    يعنى تروح الملعب وانت خايف من الحكم وليس فقط من سوء مستوى لاعبيك

    يعنى تروح الاستاد لانك تحب الزمالك ككيان ومعنى حتى لو اتغلب .
    يعنى يبقى عندك افضل اللاعبين على مدار التاريخ .وبطولاتك اقل من نادى الفساد ..

    يعنى تبقى مشاركاتك الافريقيه اقل وعدد بطولاتك اكثر ومع ذلك لاتفوز بلقب نادى القرن
    لانك مش قرنى ...ولا من ذوى القرنين

    يعنى تسبح ضد تيار التغييب ولاتقبل ان تكون من بين القطيع الذى ينساق وراء وهم التفوق الكاذب
    وتضحك وانت ترى من يهلل بانتصارات جاءت بكل الطرق الغير مشروعه ..ويصدقوا انفسهم انهم
    ابطال ..وانهم فازوا بمجهودهم . ولانهم الافضل ..

    يعنى تبقى مصرى وتتعامل من تليفزيون الدوله واعلامها .على انك من عرب 48 .
    يعنى تدفع مرتبات ناس تعتبرك اجنبى وتتواجد فقط لمحاربتك
    يعنى وزير اعلامك ورئيس تلفزيون الدوله .يكافئ اى اعلامى يحاربك بالاكاذيب والضلال
    Crying or Very sad
    يعنى ايه تبقى زمالكاوى

    يعنى تفتح تليفزيون بلدك تلاقى مذيع سخيف .لاصله له بكره القدم سوى كونه حكم سابق
    فاشل تم ضربه وطرده .. يفتى فى التحكيم . فقط ليشكك فى فوزك ويشحن الحكام ضد فريقك
    ويهاجم كل من يعدل ولا يجامل الاهلى .. ومع ذلك يجد مسؤول فاسد فى تليفزيون الدوله يتعاقد معه
    بالملايين من اموال الضرائب التى تدفعها انت . مكافأه له لانه ضدك .. وربما لانه يتقاسمها معه

    Crying or Very sad
    يعنى ايه تبقى زمالكاوى

    يعنى تلاقى الاراجوز الكاذب يخصص حلقه كامله للتطاول على الزمالك فى تليفزيون الدوله
    ويهاجم ابراهيم حسن ويقرا تقراير من 22 سنه . ولايجد من يردعه .. وفقط يشكو من التهديد
    يحلق شنبه .لان مسؤولى التليفزيون ووزير الاعلام .. يريد ذلك لان الزمالك نادى اجنبى من دوله
    معاديه .لمصر ليس له لاعبين فى المنتخب ولا جماهير بالملايين
    او لان تلك الجماهير لاتفعل شيئا ولا وزن لها ولا قيمه عندهم ..
    ثم تكتشف ان سلبيه تلك الجماهير او قله حيلتها ككل المصريين ...هى التى تجعل هؤلاء متواجدون

    Crying or Very sad
    يعنى ايه تبقى زمالكاوى

    يعنى يبقى مدرب المنتخب احد ابرز ابناء ناديك ومع ذلك يحارب ابناء النادى . ويتعسف فى استخدام
    حقه فى الاختيار . ومع ذلك ربنا يكرمه ويحقق انجازات ..وفجاه تكتشف ان هناك شيئا غير مفهوم
    وان كره القدم ليست اجتهاد ولا امكانات وليس لها قواعد ثابته فحسب .. ولا تملك سوى الصمت
    والتعجب فلعلك لاتفهم شيئا
    Crying or Very sad
    يعنى ايه تبقى زمالكاوى

    يعنى تلاقى كل البلد بتحاربك . وتشوف الفساد واضح جدا وتكتشف ان الفاسدين فقط والمنافقين
    للنادى الاحمر يسيطرون على كل المجال الاعلامى والادارى .وان تذكره الوصول لاى منصب او
    وظيفه فى جريده او قناه او حتى كضيف فى برنامج .. هى ان تتطاول وتهاجم الزمالك
    Crying or Very sad
    يعنى ايه تبقى زمالكاوى

    يعنى تلاقى منيسى وتوحيد ونواره والكاذب والليثى وشوشو وغيرهم .. لاهم لهم سوى ان اهدموا
    فى الزمالك ويستفزونك ليل نهار .وعليك ان تتحمل سخافاتهم .وسخافه التابعين لهم ومن يصدقون
    تلك الاكاذيب والتفاهه لانها تاتى على هواهم ..
    يعنى كريم شحاته . يسمع الاراجوز الكاذب وهو يتطاول على الزمالك ويصمت متنطعا . كالخروف
    فلا يرد ولايصد .

    Crying or Very sad يعنى ايه تبقى زمالكاوى


    يعنى تتحارب من اتحاد الكوره ويعتبرك خصم ويطبق عليك كل القوانين ويخترعلك عقوبات
    ويتجاوز عن المنافس .. ويتواطأ ضدك فى تزوير التواريخ والعقود حتى لاتحصل على لاعب تعاقدت معه
    يعنى يبقى مجدى مقشه يحاربك فى لجنه شؤون اللاعبين .. والنايف فى المسابقات
    ومحمد حسام فى لجنه الحكام . والهوارى يقسم انك مش هتاخد بطولات طالما هو متواجد
    وزاهر يقف مساندا ليشترى ذمم كل من يقول لا
    Crying or Very sad
    يعنى ايه تبقى زمالكاوى

    يعنى لما تستجير من حكام مصر . لانك لم تفوز على الاهلى بحكم مصرى . وتفوز بحكم اجنبى
    يتم تعيين سحر الهوارى رئيسه لجنه الاستقبالات .لكى تستقبل الحكام الاجانب ..وتكتشف
    ان الاجنبى اصبح العن من المصرى . ويظلمك ..لانه تم استقباله واكرامه ...!!!؟؟؟

    يعنى لاعبيك تبقى مهدره الحقوق ويتم ايقافهم حتى لو لم يتم ادانتهم من الحكام والمراقبين.
    ومطاردتهم بالكاميرات التى يقف خلفها مخرج رقيع . معدوم الضمير . بينما كل ذلك لايتم مع النادى
    الحكومى .. والكل يصيبه العمى
    Crying or Very sad
    يعنى ايه تبقى زمالكاوى

    يعنى لما لاعب من عندك يقول للحكم العبها انت ..يتم ايقافه ثلاث مباريات .. ولاعب الاهلى يسبه
    بامه بلفظ خارج .يتم تجاهل الامر .
    يعنى مدربك يعترض على الحكام يتم تغريمه خمسه الاف .. ومدرب الاهلى يتوعده بانه لن يحكم مره
    اخرى . رغم مجاملاته له .يتم تغريمه تلاثه الاف..

    Crying or Very sad يعنى ايه تبقى زمالكاوى

    يعنى مطلوب منك تستحمل وتدافع عن ناديك ..ضد كل ماسبق وضد بعض ابناء النادى .

    يعنى انت تقاطع مودرن وشلبى والاراجوز . والغزال يبقى ضيف عندهم .. من اجل السبوبه
    يعنى تستحمل سخافات فيلسوف الغبره .العاق .الذى باع ناديه من اجل منصب زائل .
    يعنى لازم تتحمل سخافات اى زمالكاوى لايجد عمل فيذهب للقنوات ليهاجم الزمالك .بحجه انه خايف عليه
    يعنى الغزال يبقى عضو مجلس ادارتك ويتاجر فى اسرار النادى وينتقد اوضاع هو مطالب بتصحيحها
    يعنى الفيلسوف العاق يمدح فى المنافس لكى يرضى عنه اصحاب القناه وباقى جرذان الجبلايه
    Crying or Very sad
    يعنى ايه تبقى زمالكاوى

    يعنى ربنا يرضى عنك بعد الصبر الطويل .. ويبقى حسام مدرب ناديك ..
    يعنى يبقى عندك حسام مدرب وابراهيم مدير كوره
    فتذهب الى الاستاد وانت متاكد ان فريقك سيبذل اقصى ما عنده . يعنى تشجع لاخر لحظه
    يعنى اخيرا تشعر انك سوف تفوز ولو فى الوقت الضايع ..
    يعنى تفوز ست مباريات متتاليه . بعد سلسله طويله من الاحباطات
    يعنى تبقى فى المركز ال11 وتلاقى نفسك الرابع .ولسه
    يعنى تلاقى ابراهيم حسن .بيغير على النادى ويدافع عن حقوقه . لانه مش خايف على منصبه
    لانه مش خايف عضو سلبى فى المجلس لايريد مشاكل حتى لو ضاعت حقوق النادى
    Crying or Very sad
    يعنى ايه تبقى زمالكاوى

    يعنى تبقى من جمهور الصفوه .. ولكن تحزن لان اغلبهم للاسف .لايستجيب لاى حمله تساند النادى
    يعنى عم كمال يعتصم فى البرد ..ويطلب توقيعات .والزمالكاويه للاسف لايستجيبون بالقدر الكافى ..
    يعنى تبقى فخور بانتماءك رغم كل ذلك .. وحزين من السلبيه
    Crying or Very sad
    يعنى ايه تبقى زمالكاوى

    يعنى تلاقى كل الاعلام احمر بيهاجم ناديك ويكذب ويطارد لاعبيك بالشائعات ..
    لكن ابناء ناديك .يتمسكون بالحياد ومزاوله المهنه بكل الاخلاق .. ولاتملك ان تلومهم وتطالبهم
    بان يتخلوا عن مصداقيتهم .. رغم انهم يبالغون فى القسوه على الزمالك احيانا من اجل وسواس الحياد
    يعنى الغندور وهيثم . يتمسكون باخلاق المهنه .. والباقى لا اخلاق لديهم ...

    Crying or Very sad يعنى ايه تبقى زمالكاوى

    يعنى تحب كل القيم. الحق والخير والجمال وو.. . ولا تجدها . وتعانى من اجلها .
    يعنى قلبك ابيض وتنسى كل الاساءات مع اول فرحه ..وتنسى كل الاحباطات مع اول نجاح

    يعنى تحب الحق ولا تجده ..وتحب بلدك وبلدك تحاربك . وتفضل تحب رغم كل المعاناه

    لانك لاتستطيع ان تكون غير ذلك ..
    يعنى لازم تتمسك بمن تحب وتدافع عنه ..لانك لاتملك سوى ان تدافع عنه .. حتى لو احبطك
    لانك اخترت عفوا او قدرا او اختيارا ان تسبح ضد التيار


    ولاننا لانحب من نختار ..ولا نختار من نحب









    [ندعوك للتسجيل في المنتدى أو التعريف بنفسك لمعاينة هذا الرابط]


     



     


     

    avatar
    Cute Norhan
    نـــــائب المــــــــدير

    انثى عدد المساهمات : 1268
    تاريخ التسجيل : 01/01/2011
    العمر : 20
    مدينتك : حلوان
    العمل/الترفيه : الخروج/النت
    المزاج : بفرح من اقل حاجه

    رد: يعنى ايه تكون زملكاوى

    مُساهمة من طرف Cute Norhan في الأحد يناير 09, 2011 1:43 pm

    انا اهه يا شروق نزلت لك موضوع تريقه على الزمالك ده تمهيدا لموضوع كبير قوى على الاهلى نازل كمان شويه منغير زعل بقا يا قمر ها









    [ندعوك للتسجيل في المنتدى أو التعريف بنفسك لمعاينة هذا الرابط]


     



     


     

    avatar
    AnGeL EyEs
    الـــمــــديـــــــــر
    الـــمــــديـــــــــر

    انثى عدد المساهمات : 526
    تاريخ التسجيل : 02/09/2010
    العمر : 22
    مدينتك : elmahalla
    العمل/الترفيه : mafesh
    المزاج : 3aly

    رد: يعنى ايه تكون زملكاوى

    مُساهمة من طرف AnGeL EyEs في الإثنين يناير 17, 2011 5:45 pm

    ثانكس يانور









    [ندعوك للتسجيل في المنتدى أو التعريف بنفسك لمعاينة هذا الرابط]


     



     


     


      الوقت/التاريخ الآن هو الأحد أغسطس 19, 2018 12:09 am