كرسى الاعتراف و ربنا يقوى اللى هيقعد علية.....ماتيجوا نشوف

يلا يا جماعة بقى خليكوا جدعان ورشحوا شوشو ولا خايفين منها

ماشى يلا ياشيماء باللة

يلا بقى ياشوشو كده تلاتة رشحوكى انا وهاجر وشروق.

الاسم/شيماء محمد - السن/14 سنه - الوظيفه / طالبه - حالتك الاجتماعيه/ عذبه اهو - اي شيء تحبي تضفيه عنك // انا بحب اصحابي جدا وبحب كل الناس الي بتحبني ومابحبش اتهدد ولا اكدب ولا حد يستفذني وبحب اهلي جدا مواصفات فتي احلامي //يكون راجل بجد وبيحبني وبيخاف عليه وبيغير عليه بس مش الغيره الي تخنق ومستعد يتغير للاحسن عشاني وعشان نفسه طبعا شخصيته قويه مابيسقطش البنطلون مش زي اي شاب من بتوع اليومين دول الي مش رجاله اصلا يقدر يتحمل المسؤليه قادر يتفاهم ويحل المشاكل مش بخيل وقادر يحارب الدنيا كلها عشانا وعنده انتماء لاهله ولبيته طبعا عارف ربنا وبيصلي طبعا وبيخاف ربنا عشان لو هوه كده هيحافظ عليه وعمره ماهيزعلني وانا اكيد بقي مش هزعله - اخر رساله// ican imagine the tv without fisha the chicken without resha the smoking without 7ashisha but me without u de mosh 3sha الرساله من واحده صاحبتي - اخر كدبه كدبتها // انا عموما يعني مابكدبش الحمد لله - حد بيوحشك اوي // كل الناس الي بحبهم بيوحشوني طبعا واختي وبنتها بيوحشوني اوي لانهم في السعوديه - موقف محرج اتحطيت فيه // لما كنت في النادي وكان في عروسه وانا كنت بتريق عليها بصراحه وفي واحد قعد يبصلي اوي انا قلت الراجل فهم حاجه وبعدين اخته جات كلمتني وكده وطلع الحمد لله عريس فده موقف محرج جدا بالنسب ليه - ااسم حبيبك علي الفون // الحمد لله مفيش - حد ندمتي انك عرفتيه // واحده صاحبتي كانت زي اختي او اكتر وحصلت مشكله ما بينا ظهرت علي حقيقتها انا بكلمها عادي بس طبعا مش زي الاول لاني مش قادره انسي الموقف

ارشح بعدي ساره

لا حرااااااااااامانا عملت فيكى ايه بس

اة سارة

ههههههههههههههههههه

لالا فى الموافقه على شوشو مش مز مز ايه يابنى ده

عندك حق ياهاجر

بسم الله الرحمن الرحيم
------------------------

الاسم/ سارة عبدالله احمد عثمان.

السن/ 14 وان شاء الله هتم ال15 فى شهر خمسة الجاى.

البلد/ مصر (مدينة المحلة الكبرى).

هواياتى/ الرسم الرسم الرسم الرسم.......

الوظيفة/ طالبة بمعهد الماسة بالمرحلة الاعدادية

الحالة الاجتماعية/ عذباء

اى شىء تحبى تضيفيه / مش جاى فى بالى حاجة دلوقتى ممكن اضيفها

مواصفات فتى احلامى/ اكيد بيحترمنى اكتر من ما يكون بيحبنى لان الحب ممكن يضيع فى اى وقت او يقل وأكيد احترمه طبعا ويخاف ربنا فيا وفى اهله لان زى مابيقول المثل اللى مالوش خير فى اهله مالوش خير فى حد ومش لازم يبقى وسيم اوى بس برده مش وحش يعنى شخص عادى.

اخر رسالة / التليفون بايظ.

اخر كدبة/كانت اختى الكبيرة خارجة اول يوم العيد مع صاحبتها ومارضيتش اخرج معاهم ولما سألونى قلت عندى صداع ورجلى وجعانى.

حد بيوحشنى اوى/واحدة صاحبتى اسمها سارة سافرت لباباها من حوالى 3 شهور السعودية ولما رجعت غيرت المدرسة.

موقف محرج اتحطيت فيه /واحدة صاحبتى كانت بتتكلم بعصبية وبتشتم وكانت واقفة قدامى رديت عليهاواتعصبت اوى وعملت مشكلة وطلعت ما كانتش بتكلمنى انا اصلا.

حد ندمت انى اتعرفت عليه / كتير بس من سنة اولى اعدادى لأنى اكيد ماكنتش اعرف حد لسه وطبعا ماينفعش اقول اسماء .

اسم حبيبك على الفون/ مفيش واعتقد مش ممكن يبقى فيه غير فى اطار شرعى .


الحمد لله عديت

ههههههههههههههههههه مااشى يا ساره بس حلوه الاجابات دى

انا موافقه عليها

مي تو مستنين ردك يا نورا

بقا كده انا مليش دعوه انتو اللى رشحتونى وانا كمان موافقه

الاسم/نورهان محمد
السن/12 سنه
البلد/مصر
هوايتى/الرسم والنت والخروج(اكيد مش المذاكره)
الوظيفه/مفيش بس انا طالبة فى اولى اعدادى
اى شىء تحب تضيفه/مفيش حاجه معينه غير انى فرحانه قوى للانضمام فى المنتدى ده
الحاله الاجتماعية/(عذباء طبعا)انا لسه صغيره عالكلام ده

موافات فتى احلامى/يكون انسان طيب ويعتمد عليه ويكون زملكاوى طبعا ووسيم
اخر رساله/(انت حكايتك حكايه شاغلنى ودايما معايا اخاف اقولك واحشنى تطلع مش كفايه)
اخر كدبه/كنت بكلم واحده صاحبتى عالنت وكنت عايزه اقفل وقلت لها انى هاروح اتغدا
حد بيوحشنى قوى/اصحابى مثلا رنيم وامل وسلمى

موقف محرج اتحطيت فيه/كنا بنلعب الصراحه وواحده سالتنى انتى مين اكتر واحده من اصحابك بتحبيها ومين اكتر واحده بتكرهيها وحلفتنى انى اكون الحقيقه ومبقتش عارفه اقول ايه
حد ندمت انى اتعرفت عليه/فى بعض الناس اللى اتعرفت عليهم بعد كده اكتشفت انهم ميستاهلوش انى اكون عارفاهم وانهم فعلا معندهمش احساس بالغير ومبيحبوش غير نفسهم بس مينفعش اقول اسماء طبعا
اسم حبيبك عافون/احم احم انا لسه صغيره عالكلام ده

احب اقول حاجه اخيره
انا فرحانه جدا انى انضميت لاسره المنتدى ده لانه فعلارائع وفرحانه جدا انى جيت على بالكم واخترتونى العب معاكم اللعبة دى فعلا فرحانه

يلاا يا جماعه الدور ع دودو غاده

موافقه علي دودو طبعا